Met hajema kahta (2) saihraanhoitajaa huipputiihmiimmä Muonihhoon, tuntureitten kupheesseen.

Meitä assuu täälä Muoniossa vähä pääle 2000 henkeä. Meilähän on täälä ainaki neljä vuenaikaa, jokku sanova, että niiton kaheksan, mutta kuitenki kauhniit luonnon maisemat ja moninaiset harrastusmahollisuuvet ympäri vuen. Sittekö pääsee vaphaile, pääsee rohki nauttihmaan lapin lumosta.
Eikö kuulostaski poka rohki somalta olla töissä tämmösessä paikassa, täälä meilä, Lapin hyvinvointialuheela, Muonion terhveyskeskuksen vuojeosastolla taikka avovasthaanotossa?

Meän vuojeosastolla on 15 saihraansijjaa ja methän toimima yötä päivää ko muuhraiset. Sittehän meilä on vielä iltasin, öisin ja viikonloppusin saihraanhoitajan tekemä hoiontarpheenarviointi ja tietenki hoitoki päivystyspotihlaile. Elikkä vuojeosastolla met tehemä hommia kolmessa vuorossa.

Avovasthaanotolla ja päivystyksessä hoiama niin kläpit ko varttunheemmakki potihlaat ja kiihreellisissä taphauksissa met hoiama tietenki myös matkailijat. Meilon otettu käythöön kevhäälä omahoitaja- ja lääkärimalli. Potihlaat soittavat meile TeleQ-takaisinsoittojärjestelhmään ja tullee niitä tikitaalisiaki yhteyvenottoja tuolta eKollegan kautta.

Meän joukhoon on helppo tulla ja met annama sulle täyven tuen hommassa ko hommassa. Soon rohki tosi, että met olema soma ja sopevan pörrö työyhteisö huumoria unehuttamatta. Saattasit poka tykätä olla meilä töissä! Palvelussuhtheen ehot ja palkkaus määräytyvät SOTE -sopimuksen mukaisesti. Töitten aloitus yhtä koska eli mahollisimman pian, jatkuen ainaki 30.9.2024 saakka.

No met toivosimma että sie olisit semmonen hyä tiimipellaaja ja tietenki tykkäisit hoitotyöstä ja tekisit sitä hyälä ammattitaiola ja täyelä syämellä. Potihlaat on meile net tärkeimmät ja met olema ylpeitä siitä, että heät hoiethaan rohki hyvin.
Kelpoisuusvaatimuksena saihraanhoitajan AMK-tutkinto ja Valviran rekisteröinti, sekä tartuntatautilain eellyttämä rokotussuoja.

Laita sie hakemus hopusti, sillä met raataama hakijoitten kans hakuajanki aikana. Hakupäättyy 3.6.2024 klo 15.00.
Jos syän sykähti hakemuksele tai Muoniolle älä veikkosten jätä tätä tilasuutta käyttämättä. Solekko soithauttaa!